الجمعة، 5 سبتمبر 2008


بحبـــــــك وحشتينــــــــي

بحبك وحشتيني . . . وبحبك وحشتينى
بحبك وانتى نور عينى . . . دا وانتى مطلعه عيني بحبك موت
لفيت اد ايه لفيت ملقيت غير فى حضنك بيت . . . وبقولك انا حنيت بعلوالصوت
وكأن الوقت فى بعدك واقف مابيمشيش . . . وكأنك كنتي معايا بعدتي ومابعدتيش
فى دمى حبيبتى وامى وزى مكون بابتدى اعيش
وبحبك وحشتينى بحبك وانتى نور عينى دا وانتى مطلعه عيني بحبك موت
بعدت وكنت هعمل ايه من اختارغربته بايديه . . . لكن حبك ده مانسيتهوش وعاش فيه
ليه اتأسف على الغيبه . . . مغبتيش لحظه وقريبه
محدش عنده كده طيبه وحنيه
وكأن الوقت فى بعدك واقف مابيمشيش وكأنك كنتى معايا بعدتى ومبعدتيش
فى دمى حبيبتى وامى وزى مكون بابتدى اعيش
وبحبكوحشتينى . . . بحبك وانتى نور عينى
دا وانتى مطلعه عيني بحبك موت
الاغنية ديه رائعة جدا جدا , لحسين الجسمي وبتعبر فعلا عن اللي انا حاسس بيه , بعيد عن
مصر , واسكندرية بالاخص , اللي تقريبا عمري ما طلعت بره منها , غير لما جيت
للسعودية .
واصعب جزء كان بالكلمات هو :
بعدت وكنت حاعمل ايه ... مين اختار غربته بايديه
لكن حبك ده ما نستهوش وعاش فيه
ليه اتأسف على الغيبة . . . ما غبتيش لحظة وقريبة
محدش عنده كده طيبة وحنية .
يمكن محدش حيحس بالاحساس ده زي الشباب المصري اللي خارج بلده , ومهما كان
وضعه في البلد التانية سواء مهندس او عامل دكتور او غفير
بردوا بره بلده , وحاسس بالغربة
عموما عشان ما اطولش عليكم
هوه ده احساس الشباب المصري خارج ارض الوطن , اعتقد اني نقلتهلكم
وللحديث بقية ان شاء الله , واحب اسمع تعليقاتكم

هناك 48 تعليقًا:

نوسه وريمان فى هاكونا مطاطا يقول...

السلام عليكم

عجبتتنى اوى مدونتك

دى اول زياره ليه فيها

تقبل مرورى


وكلمات الاغنيه فعلا جميله جدا

مع ارق تحياتى

mahasen saber يقول...

اصل القط يا محمود مبيحبش الا خناقه ..يعنى بتبقوا مسافرين للبحث عن فرصة شغل بلدكم مش موافراها ولقمة عيش بلدنا مش بتاكلهلنا وبرضه بنحن ونشتاق ونعيط عشان رجلينا تتحط على ارضها ولا ده هو سحر مصر مهما تعمل بنحبها...
تيجى بالف سلامه وتنورها ان شاء الله..

مصري بالغربة يقول...

شاكر ليكي مرورك الدائم يا ام عبد الرحمن

هو الموضوع

homeseek

او الحنين الى الوطن وده على فكرة حاجة طبيعية جدا والمفروض انها تحصل

لاي حد بيسيب وطنه واهله وناسه

بس الفكرة اننا حتى لما بنفكر نرجع ونقول خلاص مثلا كفاية سنة او سنتين

تلاقي الاوضاع في بلدك تزداد سوء

يوم عن يوم

ومينفعش ارجع واستقر تاني فيها

لدرجة ان فيه ناس هنا عدت ال 30 سنة غربة هنا بالسعودية ومصريين

Unknown يقول...

طيب خلاص خلاص
هعيط وابهدلك الدنيا هنا
ربنا يرجعك بالسلامه يا هندسة
رمضان كريم

مصري بالغربة يقول...

الله اكرم يا دكتورة / لماضة

على فكرة البوست بتاعك مع العسقلاني

كان تحفة فنية فعلا

وعشان خاطري ممعكيش تمرايه من بتوع ابو تريكه

لو عندك يا ريت تحدفيلي 6 مع واحدة من شيكا بالا

وشرفتيني بالمدونة

مهندس مصري بيحب مصر يقول...

عبرت عن اللي جواي بالضبط يا محمود
معاك حق
و متابعك على طول ان شاء الله

حاسوباتيه يقول...

والله بص هي الغربه صعبه فعلا بس انا عكسك انا عشت طول حياتي بره مصر ولما جيت مصر ساعتها حسيت بالغربه للاسف بس بدات اتأقلم مع الوضع وربنا يوفقك وترجع بالسلامه

غير معرف يقول...

ايوه كده مضبوط الله ينور عليك ..
نسيت بقه الكلام اليى كنت عايزه ااقوله هفتكره واقولك متفقين..
بس بقولك عملت اشهار لمدونتك وضيفتها على مواقع عارف انا لو عندى خبره كنت ساعدتك انما انا فى اى حاجه متعلقه بالتكنولوجيا كما الحمار ..بعدين عنك ..انا بس عايزاك تشارك فى مدونات كتير ومواقع تحط عليه المدونه عشان يبقا فيه تفاعل بينك وبين وجهات نظر اخرى ..ده احلى شئ فى التدوين المشاركه..
ربنا يوفقك ان شاء الله..

غير معرف يقول...

ربنا يقويك ويصبرك وانا عارفة ان الاحساس بالغربة طبعا مر
بس مابالك باللي بيحس بغربة داخل بيتة

شموسة يقول...

" الغربة تربة ولو علي بعد شبر "

بس احنا بنمني نفسنا انها فترة وهتعدي وبنحاول نعمل صدقات وعلاقات وبندفن نفسنا في الشغل قدر المستطاع ظناً منا اننا بنقتل الوقت أو ان الوقت هيعدي ولكن هيهات .... الغربة هي الغربة .

ربنا يقويك ويرجعك لمصر سالم غانم..

تحياتي لك

الحكمة ضالة المؤمن يقول...

كلمات الاغنية جميلة
وحساسك اجمل
الله يهون غربتك
وترجع سالم غانم

Unknown يقول...

إحساس الغربه قاسي .. ربنا معاك

اكيد حاسه باللي انت فيه

ياسمين

مصري بالغربة يقول...

بنوتة مصرية

اولا : شاكر ليكي مرورك على المدونة

ثانيا : اللي بيحس بالغربة داخل بيته او داخل بلده

ده شيئ صعب , بس اللي اصعب منه الغربة الحقيقية

اللي بتبقي فيها بعيد عن بلدك وعن اهلك واصحابك وعن كل حاجة انت اتربيتي وعشتي وكبرتي فيها

وفجأة تبعدي عنها

لعالم تاني غريب عنك بالكامل

ومن الصعب فيه انك تأمني لاي حد فيه حتى اولاد بلدك نفسهم

الموضوع طويل جدا ومش حينفع الخصهولك في كلمتين

بس اللي يحس بيه قوي اللي جرب الغربة الحقيقية فعلا

مصري بالغربة يقول...

مهندس مصري

شكرا ليك يا هندسة

وان شاء الله تتابع على طول

مصري بالغربة يقول...

عايزه اطلق . . . و .....

شاكر ليكي جدا يا ام عبد الرحمن

وان شاء الله حاعمل دعاية واعلان للمدونة في كل حتة

ههههههههههههههه

م/ الحسيني لزومي يقول...

ومن الحب ما قتل !!!!

م/ الحسيني لزومي يقول...

انن سعيد جدا بزيارتك لمدونتي وانا دايما كمهندس احب ان يكون في ذهني حل ولو كان حتي محاوله... لايكفي الصراخ علي صفحات النت.

مصري بالغربة يقول...

وانت رايك يا هندسة نعمل ايه؟

ولا شكر على واجب


انت زيارتك لي كانت الاول وبناء عليه انا زرتك بردوا يعني رديت الزيارة اهو

ههههههه

كل عام وانت بخير

مصري بالغربة يقول...

الحمة ضالة المؤمن

شكرا لزيارتك , ورايك مهم جدا

غير معرف يقول...

ربنا يكرمك ان شاءالله ومعلهشي اصبر
واكيد معاك مصريين هناك
حاول تسعد نفسك فى اى مكان حتى لو كنت غريب

مقاطعـــــــــــــون يقول...

http://mokat3een.blogspot.com/
شارك حمله مقاطعون نحن نرفض اى قرش يدفعه العرب للتتربح من ورائه اسرائيل وغيرها رافعه شعار ان العرب يستفيدون من وراء شركاتهم ولا تتسببوا فى قطع ارزاق الناس انهم يضغطون علينا بلقمه خبز
فسحقا لاى لقمه تاتينا منهم فى مقابلها الاف يموتون من اموالنا شارك ولا تتردد
وجزاكم الله كل خير

dido يقول...

السلام عليكم
والله فغلا عندك حق مصر دي مهما نتخنق واحنا جواها بردو بنحبها ومنقدرش نبعد عنها
اناعن نفسي عمري ما فكرت اخرج بره مصر
ربنا يرجعك بالف سلامه لبلدك وكل المتغربين عن بلدهم
ورمضان كريم

غير معرف يقول...

ايه الجمال ده البوست اتكتب والتعليقات تسير...بسم الله ما شاء الله..ربنا يوفقك يا محمود للاحسن علطول ..
واعذرنى انا مئصره معاك ومش قاينه بالواجب ..انا وحشه اسفه اسفه اسفه..
كفايه اسف كده ولا ااقول تانى..

Hossam يقول...

hello Alienated Egyption
ur blog is pretty good
فعلا مصر جميلة
انا كمان اما بروح اخد كورسات فى القاهرة وبرجع بلدى او مبخش بحس ان روحى اتردت تانى ليا
ووالله شايل هم هعمل ايه اما اسافر امريكا
ويبختك يعم دنتى فى السعودية اللى الواحد يتمنى يموت فيها
مدونتك لذيذة
اتمنى نكون اصدقاء
c u bye bye

غير معرف يقول...

ياااااااه على جمال الاغنية دى !!

اكيد الاحساس بيها اكتر مع المغتربين ... لكن زى ما قلت ومين اختار غربته بايديه .
تعرف !!
الغربة مش بالمكان و الله ... ممكن تكون فى بلدك و سط اهلك و اصحابك و بالرغم من كده تحس بالاغتراب ... تحس انك مش من العالم ده ... و يوصل بيك الاحساس ل العزلة و خلق عالم جواك مع نفسك و مع افكارك .
ربنا معاكم و يردوك سالمين ان شاء الله و يحقق لك مبتغاك ... و هى دى الحياة ( فراق و لقا , قرب و بعد )
تحياتى ليك ... سلام

قلب شاعره يقول...

الله يهون الغربه يارب ..
احساس صعب خاصة فى شهر رمضان وافتقاد الدفىء العائلى وافتقاد الوطن الغالى الى بنحبه اكتر ما هو بيحبنا ...
مدونه رائعه جدا .. واحساس راقى ..

قلب شاعره

قررت أكون عانس يقول...

سلام عليكم

هى فعلا كلمات معبرة اوى واللحن حلو

انا برده احيانا كانت بتمر على لحظات بحس فيها بالغربة بالرغم انى ماسافرتش بره
فأكيد احساس خروجك من مصر كلها احساس امر

مصري بالغربة يقول...

dido

شاكر جدا مرورك وكل عام وانت بخير

غير معرف يقول...

وايه الجمال ده بسم الله ما شاء الله المدونه تسير بخطوات واثقه يا محمود نزل البوست الجديد بقه الفيديو ماشى وهتشوف ردود الفعل العالميه والمحليه والبلوجيه ماشى ...

مصري بالغربة يقول...

شكرا ليكي يا قلب شاعرة على مرورك

وانا دخلت على مدونتك وهي فعلا جميلة

بس للاسف فيه مشكلة في كتابة التعليقات عندك مش عارف ليه

حاولي تحليها

مصري بالغربة يقول...

شكرا ليكي يا
قررت اكون عانس

والغربة جوه البلد تقريبا معطم الناس بتمر بيها

انما الغربة اللي بره البلد وبعيد عن اهلك وناسك واصحابك

حتى الشوارع والاماكن بتوحش اللي متغرب مش الاشخاص والاقارب بس

فده احساس تاني خالص

ويمكن في البوست اللي جاي اتكلم عن النقط ديه

وشاكر مرورك

مصري بالغربة يقول...

ويا ترى يا قررت اكون عانس

انت ايه ولا ..........

شريف طلال يقول...

الله يكون فى عونك و ترجع مصر بالسلامه

FreeKiller يقول...

السلام عليكم و رحمة الله و بركاته

أنا قلت الكلام اللي هقوله دلوقت ده كتير قبل كده
و كل مرة كانت الناس بتهاجمني
بس هقوله برضه لأن ده اللي أنا حاسة بيه
و لو إني عارفة إني هطول

بعيدا عن معنى الإحساس العالي اللي ف الأغنية فأنا هقول
يمكن الشعور ده موجود بس عند الناس اللي عاشت و اتربت هنا ف مصر و بعدين سافرت لما كبرت عشان تشتغل أو أي حاجة تانيه
زي بابا كده مثلا
انما انا اتربيت طول عمري برا مصر
كنت بنزلها شهرين بالكتير كل سنة
طبعا اياميها انا كنت بستنى السفرية السنوية دي بفارغ الصبر
عشان اشوف الاهل و الناس
و عشان العب و اخرج و اروح و اجي
كنت بشوف من مصر وشها الحلو بس
كانت بتعتبر فعلا أجازة
و كنت بحب مصر بجد بجد
بس من أربع سنين
اول ما نزلت هنا عشان أكمل دراستي الجامعية
أصلي داخله خامسة طب عقبالكوا و عقبال ولادكو كده
كل سنة كانت قناعتي بإن مصر مش بلد الواحد ممكن يعيش فيها بتزيد أكتر و أكتر
الديكتاتورية والبيروقراطية و سوء استخدام الروتين و الحاله اللي البلد فيها
خلت الواحد يقول
انا ماليش قعده ف البلد دي
م الاخر
اكتشفت ان مصر دي متنفعش غير للاجازات و بس و كمان للناس اللي معاها فلوس بس
انما عشان تعيش و تتعلم و تشتغل
سوري
هذا البلد لا يسمح

آسفة عالتطويل

شكرا لرحابة الصدر

عموما ترجع بلدك بالسلامة و بكل الخير قريب يا رب

مصري بالغربة يقول...

شكرا لمرورك يا ا/ شريف

واتمنى تكرار الزيارة ان شاء الله بالبوستات القادمة

مصري بالغربة يقول...

الدكتورة / فري كيلر

شاكر ليكي مرورك بالمدونة

وبالنسبة لموضوع الغربة انت فعلا حلتيه صح من وجهة نظر البنات اللي بتعيش وتتربى بره مصر خاصة بدول الخليج

لانها لو اتربت في اوروبا او امريكا فمصر مش حتبقى الفسحة بتاعتها يعني

ونظرا لاني بدول الخليج فعارف طباع المصريين وخاصة البنات اللي بيتربوا هنا

بيبقى الخروج بالنسبة لهم صعب شوية

والتضييق اكتر , واكتر

ومصر بالنسبة لهم بتبقى بمثابة الخروج من عنق الزجاجة

بس لمى كنتي بتيجي مصر للفسح والخروج مكنتيش بتحسي بالالام الناس بالظبط

ولما عشتي ف مصر بسبب الدراسة حسيتي بهمومهم اكتر واكتر

وشكرا لمرورك مرة تانية

كـــيــــــــارا يقول...

اغنيه فعلا قريبه لي جدا ومن اغلي الاغنيات لانها بتمس بلدي ووطني

كل عام وانت بخير
وربنا يهون عليك الغربه

مصري بالغربة يقول...

شكرا ليكي يا كيارا

الظاهر ان معظم المدونيين بالغربة

حتى اللي في مصر بردوا حاسين بالغربة

هو ايه الحكاية . . . .

م/ الحسيني لزومي يقول...

اخي العزيز/ تقبل الله منا ومنكم
لقد فهمتني خطأ انا لم اقصد انك انت صاحب التعليق الذي به الفاظ خارجه ولكنك انت كنت تنبه في تعليقلك علي عدم استخدام هذه الالفاظ وقلت :يانواره بلاش الالفاظ ديه..حاولي تمسكي اعصابك.
انا فتحت الموضوع معك لان كل تعليقاتك منضبطه.
ارجوا ان تسامحني لان تعليقي لم يوضح لك ما اقصد.
والس لقاء

ضــى القمــر يقول...

مصرى

انا حسيت جداا باللى قولته ..
لأنى سمعته من اخويا واستغربته فى الاول . لكن بعدها حسيت قد ايه المصرى المتغرب بيشتاق لأهله ولبلده مهما شاف منها ..
لأن حبنا ليها بيجرى فى دمنا غصب عننا والله .

وكمان فى اغنيه تانيه كل ما اسمعها بحس انها خارجه من قلب كل متغرب وبتعبر عن احساسه جداا ..
وهى اغنيه أقرار لمحمد منير ..
احساسها عالى وصادق جداا وبتعبر عن كل مصرى زى بحبك وحشتينى من رأيى .

ردى طويل عارفه .. لكن احيانا بحب ارغى ..هههه
مدونه رائعه جداا وبوست واضح صدقه جدااا .
تحيتى لك يا اخى ..

mahasen saber يقول...

اعلان هام هام ...
السكندرانىالباشمهندس عنده فيديو تحفه مش راضى ينزله بوست عشانبخلان بيه علينا...
محمود اظن اعمل ايه تانى بقه..

مصري بالغربة يقول...

م / الحسيني ارسلت لك الرد على تعليقك بمدونتك وشاكر ليك جدا

مصري بالغربة يقول...

ضي القمر

انا مبسوط جدا بزيارتك

واتمنى ان تعجبك المدونة , وكلمات الاغنية فعلا مؤثرة

واللي يتأثر بيها اكتر اللي حاسس بالغربة فعلا

واتمنى دوام الزيارات ولك التحية

مصري بالغربة يقول...

ام بوكا جونيور

ما فضلش حاجة تانية من سعادتك غير انك اكملي جميلك بقه وتنزلي البوست

وبكده يبقى كتر خيرك

mahasen saber يقول...

محمود ...كلام حلو كلام حلو كلام حلو ..
اهه ايه رايك ولا تزعل نفسك
ااقولك تانى ..
اجدع محمود فى الدنيا ..اخف دم محمود فى الدنيا ..اخويا الكبير محمود افندى..
فين الفيديو يا محمود براحتك براحتك .

مصري بالغربة يقول...

نزلت الفيديو يا محاسن خلاص

واتمنى تشوفيه , وتقوليلي رايك ايه

ده بحكم يعني انك لسه مشفتهوش

ولا عملتي له اي دعاية او اعلان خالص

يعني .....

وشاكر جدا اهتمامك

غير معرف يقول...

استاذى الفاضل محمود مرسى
تم نشر تعليقك فى مدونه فهرس المدونات
الرجاء القاء نظره على التعليق
ومتابعه كل ما هو جديد
واخبار من تعرف من المدونين للاشتراك معنا
ووضع رابط للمدونه فى مدونتك اذا اردت
وهذا هو الرابط
http://indexbloger.blogspot.com/
اخوك mohamed ahmed

mahasen saber يقول...

قوم يا مصر..ليك تاجين عندى
ولا ااقولك سلطانييتين خلينا نحرك البوست الراكد ده..