الأحد، 14 سبتمبر 2008

سلام يا بلدي









اغنية محمود العسيلي ( سلام يا بلدي ) ...




سلام يا بلدي سلام. . يا بلدى. . . يا بلدى




هنا اصحابى هنا احبابى




هنا حبيبى اللى دق بابى




هنا شمسى هنا قمرى




هنا نيلى وهنا هرمى




هنا ابويا وهنا امى




هنا ارضى وهنا دمى




هنا بلادى وهنا اجدادى




وهنا هيكونوا احفادى




هنا مدحيه ولياليه




وهنا ذكرى كانت ليه




هنا اصحابى هنا احبابى




هنا حبيبى اللى دق بابى







هنا شمسى هنا قمرى . .

هنا نيلى وهنا هرمى



هنا ابويا وهنا امى . .

هنا ارضى وهنا دمى



هنا بلادى وهنا اجدادى . .

وهنا هيكونوا احفادى



هنا مدحيه ولياليه . .

وهنا ذكرى كانت ليه



ســـــــــلام يــا بلدى ســــــــلام



راجع ليك مفيهاش كــــــلام



وكلى شوق واحـــــلام



سلام يا بلدى سلام راجع ليك مفيهاش كلام



وكلى شوق واحلام



يا بلدى . . . يا بلدى



سلام يا بلدى سلام



راجع ليك مفيهاش كلام



وكلى شوق واحلام سلام يا بلدى سلام يا بلدى سلام


دي كلمات أغنية محمود العسيلي يا بلدي سلام . . .

وديه بردوا من الاغاني الجميلة جدا واللي بتديني

أمل شوية في اني ارجع بسرعة او بتهون

شوية الغربة على اساس امل العودة للاسكندرية مرة تانية

وانا جبت الفيديو كليب ده وحططيت فيه صور

اسكندرية اللي فعلا وحشاني جدا

بناسها و شوارعها واهلها وحارتها وميدانها

وبحرها ورمالها وصخورها

وكل حتة فيها انا زرتها , انا فعلا تقريبا لفيت مصر كلها

شمال وجنوب , بس محبتش مكان بالطريقة ديه زي اسكندرية

وصدقوني الكلام ده مش عشان انا اسكندراني

لا ابدا , انا فعلا باعشق اسكندرية

وانا مش حاطول عليكم اكتر من كده , مع ان عندي كلام تاني كتير عايز اقوله ,

بس اسيب باقي الكلام للبوست القادم ان شاء الله .

هناك 53 تعليقًا:

mahasen saber يقول...

اخيرا حمدالله على البوستات الجميله.

mahasen saber يقول...

ايه الجمال ده بقه ااقولك راىى تانى على الفيديو التحفه ده ولا كفايه اليى قولته على الماسينجر ..
ايوه كده يا محمود خساره الفيديو ده تحبسه فى الكمبيوتر..
وبعدين انا شكلى هشتغل عنك صبى مخرج ايه رايك..

mahasen saber يقول...

ونسيت ابارك بعد الرغى ده كله ..
مبروك البوست الجديد يا باشمهندس ..
وبالتوفيق دايما دايما دايما على طول..
وشكلك على الفيديو الحلو ده هتستاهل عزومة فطار..

مصري بالغربة يقول...

الف شكر يا محاسن على كلامك الجميل المشجع ده

وانا لو كنت اعرف اني لو نزلت البوست ده كنت هاتعزم على الفطار

كان زماني نزلته من بدري

هههههههههههههه

وعموما انت مش مساعدة مخرج او صبي مخرج لا

ده انت المخرج نفسه

واتمنى انه يكون عجبك فعلا وميكونش الكلام على سبيل المجاملات التدوينية

( الا ايه رايك في عبارة المجاملات التدوينية ديه ) مصطلح جديد من تاليفي

مهندس مصري بيحب مصر يقول...

الصور بتاعة اسكندرية جميلة قوي
خصوصاً ان انا كمان باحبها
و لا صورة الكلية فكرتني بالذي مضى :)
انت مدونتك على الريدر عندي فمتقلقش كل ما تنزل بوست جديد حتلاقيني عندك طيارة

مصري بالغربة يقول...

شكرا يا هندسة على الكلام ده

وانا فعلا بحب اسكندرية جدا مش عشان بلدي يعني

بس عشت كل حياتي فيها ودراستي وعملي كمان

وطبعا صورة الكلية لازم تفكرك بالذي مضى بس يا ترى الذي مضى بالنسبة لك كان كويس ولا ..........

عموما تشرف دايما بالمدونة

Empress appy يقول...

ربنا يرجعك لبلدك بالسلامه انا بقى بعشق كل حته فى مصر

mahasen saber يقول...

مجاملات تدوينيه ..اه انتاهتقول شعارات كمان لا لا ..انتا شكلك بقيت خطر ..
شوف يا محمود عشان اريحك وعلى سيراميكه كده ...
انتا لو مش كويس واحيبك على خير فعلا والله ووحياة ابنى ما كنت اصلا كلمتك ولا اتكلم معاك كده ببساطه..
بس الحكايه وما فيها انك كويس جدا وفعلا وانا بتكلم معاك بحس انى بدردش مع اخويا فا عمرى ما هجامل اخويا ..اتلطشت فى عقلى انا اجامل اخويا..
بس انتا مدونتك فيها احساس حلو ومرارة غربه واشتياق لحضن ام فكل الحاجات دى تخليها شئ مميز جدا ..
وبس..

mahasen saber يقول...

اه بعدين تعال ااقولك كلمه انتا ..
ولا ااقولك ااقرا الرسايل اليى فى الشات بوكس ..
داانتا وقعتك وقعه ..

رحــــيـل يقول...

ترجع بالسلامه للمصر واسكندرية ان شاء الله

ربنا يهون عليك غربتك

عامة انا شايفة ان تجربة السفر رغم قسوتها الا انها مفيده جدا وبتضيف للانسان خبرة كبيره


تحياتى لك

ka2en Makboot يقول...

الصور جميلة اوي ماشاء الله

انت اللي مصورها ولا مين ؟!

ده اول زيارة لمدونتك وان شاء الله مش هتكون الاخيرة

واضح جدا انك متألم جدا لفراق الوطن

ربن يقرب البعيد ويردك لاهلك بكل خير وسلامة

تحياتي

Miss. Sosa

مصري بالغربة يقول...

ابي

شاكر ليكي مرورك

رغم اني مختلف معاكي في بعض الاراء اللي قرتها لك في المدونة عندك

وفي بعض تعليقاتك

وان شاء الله في اقرب فرصة نتناقش

مصري بالغربة يقول...

شاكر ليكي جدا يا محاسن مرورك الدائم على المدونة

و والله انت اللي انسانة كويسة فعلا والله وديه مش مجاملات تدوينية ولا حاجة

بس بجد باستريح فعلا لما اشوف لك تعليق عندي او اي زيارة

وبعدين ما انا قلت لك هاتي انت بس الباسورد
واليوسرنيم

وانا اظبطلك الريدر

بس بلاش كاكاكاكاكا لي لي لي لي

لانها اتعرفت خلاص وكل الناس عرفتها

مصري بالغربة يقول...

رحيل

شاكر مرورك مع اني مكنتش متوقعه

بسبب تعليقاتي المختلفة معك تماما في وجهات النظر على مدونتك

وخاصة في موضوع اقول ولا ما اقولش

الخاص بالبنات

لك تحياتي

مصري بالغربة يقول...

تو ان ون

صحيح انت صاحبة المدونة اللي كنتي عاملة موضوع عن تحية العلم

انا مش مصدق

بصراحة موضوع اكتر من رائع

بجد والله احيكي عليه وعلى خفة دمك فعلا

واتمنى تكرري الزيارة

شفـقــة و إحســــان يقول...

بجد سعدت جدا بزيارة مدونتك وحديثك عن الاسكندرية
بجد هى تستاهل لانها اجمل مكان بجد
انا بعشقها وكان نفسى اعيش فيها
ربنا يرجعك ليها بالسلامة وتبقى تعزمنا فيها

رحــــيـل يقول...

اولا انا بشكر حضرتك على مرورك على مدونتنا

واحب اقولك انى لسه حالا شايفه تعليقك على موضوع نقول ولا منقولش
اولا انا مش افتيت لانى انا شخصيا ضد مبدأ الكدب تماما انا لما عرضت الحوار بالشكل ده كنت بعرض وجهتى نظر متداوله جدا بين البنات والشباب فى الموضوع ده ومن الواضح برده ان حضرتك اسأت فهمي فى معنى الكلام وللمره التانيه بقول لحضرتك ان كلامنا ده مش دعوه للانحلال او للخروج عن الدين حضرتك فاهم الكلام من وجهة نظر خاطئة وعامه انا هرد على كل تعليقات حضرتك هناك ياافندم

وبالنسبة لزيارتى الغير متوقعه فأنا شايفه انها عادى يعنى اختلاف النظر وارد جدا مش مشكله للاختلاف المهم طريقة الاختلاف

تحياتى وشكرا لمرورك لدينا

سلوى يقول...

ربنا يرجع كل مغترب لأهله ولبلده سالم

تحياتي

مصري بالغربة يقول...

شكرا ليكي يا شفيقة هانم

وانت يا احسان بيك

انتو شرفتم المدونة بزيارتكم ديه

وانا مبسوط طبعا ان المدونة عجبتكم

وارجو تكرار لزيارة

واول ما ارجع ان شاء الله هاعزمكم على طول , انتو وكل المدونيين اللي بيعلقوا عندي بس
ههههههههههههههههههههههههههه

لا طبعا واللي مبيعلقوش كمان
واول واحدة هي اختي محاسن

مصري بالغربة يقول...

شكرا لمرورك يا رحيل على المدونة

ثانيا اسمحيلي انت افتيتي فعلا ولو عايزة اجيب لك نص كلامك ممكن اجيبه او لو ترجعي لتعليقك انت هناك

هتلاقيكي قايله بالنص وانا جبته دلوقت كوبي وبست من تعليقك :

انا كمان مقفه مع ب جدا
شوفى هى لو مكلمتش قبل الجواز احسنها مش تتكلم خالص
الكدب فى حد ذاته فى الموقف ده مش حرام مباح
-----------------------------------
اعتقد ده كلامك حتى الاخطاء الاملائية سبتها زي ما هيه عشان مكونش غيرت حاجة من اللي انت قولتيه

وبعدين اسف يعني لاني صريح شويتين استحمليني

بتقولي انك هنا في تعليقك انك ضد مبدأ الكذب تماما , امال هناك في المدونة محللاه ليه

هوه انتي كلامك بيلحق يتغير من مدونة لمدونة؟
ارسي على قرار واثبتي عليه
----------------------------------
وانا لم أسيئ فهمك زي ما بتقولي انا باجيب كلامك وبارد عليه مش برد على كلام حد تاني . . . ويا ريت انت كمان تردي على كلامي بدون كلام انت فهمتني غلط وانت أسأت فهمي وانت فهمت الموضوع من وجهة نظر خاطئة والكلام ده
خليكي في صلب الموضوع افضل

وانا بردوا رديت عليكي مرة تانية في مدونتك
كلام بنات

mahasen saber يقول...

مش قولتلك بلاش خلافات فى وجهات النظر
مع الجنس الاخر هيتقال عليك غلباوى
انا حذرتك...
انتا بقه فين ومش هتصلح الماسينجر بتاعك ده ..
ياباشمهندس نزل نسخه جديده ولا دى كمان عايزه مساعده..

مصري بالغربة يقول...

يا محاسن الاختلاف في وجهات النظر

لا يفسد للود قضية

ثانيا انا الماسنجر عندي تمام ومظبوط

بس انا اليوم كنت بره

عشان كده مكنتش قاعد ع النت وهو كان مفتوح

انما انت اللي النت عندك كل شوية يقطع مش عارف ليه

هو انت مدفعتيش الاشتراك ولا ايه وعشان كده كل شوية يقطعوه عنك

Empress appy يقول...

مصري بالغربه اختلف براحتك ويا رب نوصل لحل وسط من غير خناق ههههههه
المهم ادخل عندي وانت تعرف القصه حد سارق اسمي مش مدونتى وبيشتم الناس وحتى اللى مش اعرفهم فخلى بالك يا ريت

FreeKiller يقول...

الفيديو جميل
بس انا مش عارفة ايه سر الحنين للوطن ده كله؟؟؟؟؟؟؟؟
!!!!!!!!!!!!!!!!!!!

ما علينا

ربنا يهون عليك غربتك
و يرجعك اسكندرية تاني

مصري بالغربة يقول...

كوكب ابي

الاختلاف مش مهم في حد ذاته المهم ازاي نختلف

واللي سرق اسم مدونتك ده

دخلها بالمفتاح ولا كسر الباب

هههههههههههههههههههههههههههههه

متقلقيش انا دخلت مدونتك وعرفت ازاي اكشفه

سلام

مصري بالغربة يقول...

فري كيلر

سر الحنين للوطن ده كله ؟؟؟؟؟؟!!!!!!!!!

هتعرفيه لما تتغربي

لو تحسي بكلمات اغنية شيرين مشربتش من نيلها :-

المقطع اللي بيقول

يمكن ناسي لانك فيها .... مش وحشاك ولا غيبت عليها

بس اللي مجرب وفارقها....قال في الدنيا مفيش بعديها

ربنا ما يكتب على حد الغربة فعلا

وشكرا لمرورك

سلوى يقول...

يبدو أن تعليقي سقط سهوا بين التعليقات :)

فلم ترد عليه

مصري بالغربة يقول...

اسف جدا جدا يا سلوى

والله ما اقصد خالص

صدقيني

وباشكرك لزيارة مدونتي

واتمنى لك التوفيق

ويا ريت تتقبلي اسفي للمرة الثانية

Ahmed Al-Sabbagh يقول...

جميل جدا جدا

بجد حسيت بشعور جميل اوى

والفيديو فى منتهى الروعة

وبجد مدونتك ليها طعم مميز اوى

تسلم لنا

احمد

FreeKiller يقول...

فري كيلر

سر الحنين للوطن ده كله ؟؟؟؟؟؟!!!!!!!!!

هتعرفيه لما تتغربي

لو تحسي بكلمات اغنية شيرين مشربتش من نيلها :-

المقطع اللي بيقول

يمكن ناسي لانك فيها .... مش وحشاك ولا غيبت عليها

بس اللي مجرب وفارقها....قال في الدنيا مفيش بعديها

ربنا ما يكتب على حد الغربة فعلا

وشكرا لمرورك

***************
لما أجربها!!!!!!!!!!!!!!

أنا عشت عمري كله برا
جيت مصر من اربع سنين بس
و صدقني
انا عشان بشرب من نيلها ده
و للا بلاااااااااش

ربنا يخلص حضرتك من الغربة على خير

مصري بالغربة يقول...

انت عشتي عمرك كله بره ومرجعتيش مصر

الا عشان الدراسة تقريبا كلامي مظبوط ولا لا

-----------------------------------

يا فري كيلر

اللي بيتربى ويكبر ويعيش في مكان

ويعيش طفولته واصحابه واصدقاؤه

وخروجه وفسحه ولعبه وجده حتى حزنه

كل مكان بيكون له ذكرى

وبيخلي عند الشخص انتماء للمكان ده

فانت تعتبري حاله خاصة

لان طفولتك وتربيتك كانت بره مصر

انما اللي اتربى وعاش في مصر وبعد كده خرج منها

هوه ده اللي بيحش بالغربة

يعني انا اعتقد مثلا انك اول ما جيتي مصر وبدأتي تعيشي فيها واستقريتي فيها شوية

وبدأت حياة فيها مش فسح وبس
اعتقد انك حسيتي باحساس غريب شوية

مش حاقدر اقول غربة قوي لانك مصرية ف الاساس

بس حاقول شعور ب حنين للمكان اللي انت اتربيتي فيه انا ما اعرفش فين بالظبط بره مصر

بس اعتقد كلامي ممكن يكون صح

ومنتظر ردك

مصري بالغربة يقول...

احمد الصباغ شاكر جدا

لكلامك الجميل ده

واتمنى ان تكون مدونتي عجبتك

وفي انتظار مرور اخر لك

رحــــيـل يقول...

مصرى بالغربة

اولا انا عايزه اوضح لحضرتك حاجه بخصوص التعليق اللى انت نقلته
مبدأيا كده انا من انصار ان البنت لو كانت مرتبطة قبل كده وفى حد متقدملها وسالها عن علاقات سابقه ليها
انها تقول مش تخبى او تكدب وده باين اعتقد فى كل تعليقات هناك
الرد اللى حضرتك نقلته كان فى حالة تانيه انها من الاول قررت انها مش هتقول وتخبى بغض النظر عن موقفنا ناحيه تضرفها ده هى خلاص قررت وعملت ده طيب تيجى بعد الجواز وتقول بقى انها كانت مرتبطه قبل كده.؟؟؟؟
وتخرب بقى بيتها بأيدها مهى خلاص بقى اتجوزت واللى حصل حصل انا شايفه انها مش تقول لو كانت خبت من البداية وبعدين لو راجل عايز يسال مايسل مايسأل قبل الجواز مش يستنى لما يجوز ويسالها
اما بقى لنقطة انى بفتى فطبيعى مش بفتى ولا حاجه بس اصلا انا كل لما اكلم مع حد يقولى ان الكدب مباح فىا لنقطه دى
ارجو المعذرة انا حاليا بدور على مصدر موثوق منه اجيب فى رد لحضرتك
انا راى ثابت مش يبتغير من مدونه لتانيه ياافندم
وبعدين انا مخرجتش بره صلب الموضوع عشان تقولى خليكى فى صلب الموضوع انا شايفه انك فاهم الموضوع من زوايه الخاصة وفاهمنا فعلا غلط
احنا مش بناقش اللى المفروض يحصل او ميحصلش هو لو غلط وحصل ايه التصرف اللى بعد كده ولا المفروض ندفن راسنا فى الرمل ونقول ان كل حاجه فى مجتمعنا ماشيه صح ومش نناقش قضايا موجوده بالفعل وبتحصل؟
كنت اتمنى ان شكل الحوار بينا يكون افضل من كده بس غالبا لسه بنفتقد ثقافة الحوار بينا

سلوى يقول...

ولا يهمك أخي

FreeKiller يقول...

أنا جيييييييييييييييييييييت

معتبرش نفسي حالة خاصة و لا حاجة
انا قابلت ناس كتير قوي بتحس بنفس الاحساس
حتى لو مكانوش عايشين الاول برا و رجعوا مصر
ناس كانت عايشه هنا و رجعت و مقدرتش تستحمل
سافرت تاني

ممكن تكون فيه ناس زي حضرتك
ده مش ممكن ده اكيد
حكاية الحنين و الذكريات و كده بتشدهم قوي

انما انا متفرقش معايا
صدقني لو قلت لحضرتك ان انا لو كنت بحن لاي مكان
فمش عشان الذكريات
لان الاشخاص ف الذكريات اهم م الاماكن
فالمكان اللي فيه الناس اللي بحبهم و اللي برتاح فيه
هو ده المكان اللي بحن له

بس

مصري بالغربة يقول...

اولا بالنسبة ل رحيل

ممكن بعد اذنك وقبل ما ارد على كلامك اللي فوق ده

تردي انت على اول جزء اتناقشنا فيه واعتقد انك مخطئة فيه تماما وعشان كده اتهربتي من الرد عليه

الا وهو انك افتيتي ان اللي تكذب على الرجل اللي متقدم لها وانها كان لها علاقات سابقة , تبقى في الحالة ديه الكذب حلال

وانت قولتي كده

وجايه هنا بالمدونة بتاعتي تقولي انك لا مقلتيش كده وما افتتيش

ولما جبت لك نص كلامك وواجهتك بيه

الاقيكي بتعلقي تعليق تاني خالص على حاجة تانية خالص , ولا اكنك شفتي ردي عليكي

يا ريت تردي بس على الجزئية ديه دلوقت وبعد كده ممكن اكمل المناقشة

ولو ما ردتيش على الجزئية ديه يبقى مفيش داعي نكمل مناقشة افضل

ولك تحياتي

مصري بالغربة يقول...

فري كيلر

انا ما اقصدش المكان بس

انا اقصد المكان والناس اللي اتربيتي معاهم وبتحبيهم وكل الامور ديه

حتى التفاصيل الصغيرة

زي كنا بنلعب ايه مثلا وكنا بنضحك على ايه ,

وبنجري على شاطئ البحر والرملة والميه , والحدائق وكل الحاجات ديه

كلها عاى بعض بتكون ذكريات اي شخص

فممكن عشان بتحبي الاشخاص اللي كنتي معاهم وبتحني لذكرياتك

فحتحني غصب عنك للمكان اللي كانت فيه الذكريات ديه

ويبقى نفسك ترجعي للمكان ده تاني

بغض النظر عن ايه اللي اتغير من سياسات غلط وحكومة فاشلة وكل الكلام ده

يا ريت تكوني فهمتيني

مصري بالغربة يقول...

فري هارت

شكرا لمرورك

بس مش فاهم ولا يهمني من ايه بالظبط؟؟

mahasen saber يقول...

يعنى اجيب فلوس منيين ...سلفنى
وليك الاجر والثواب...
بقه انا برده اليى النت عندة بيقطع طب خلى بالك انتا بتغلط فى نتات البلد
وانتا فى الغربه..
ماشى يا باشمهندس براحتك لحد ما تخلص الريدر..

FreeKiller يقول...

اممممممممم
وجهة نظر برضه

Beram ElMasry يقول...

سيدتي سيدى
السلام عليكم ورحمة الله وبركاته
ان شاء الله يوم الثلاثاء القادم 23 - 9 ساقدم عملا جديدا فى مدونتى ، ارجو من الله ان ينال منكم القبول ، فلا تحرموننى الزيارة والنقد والتوجيه
ولكم كل الاحترام والتقدير

mahasen saber يقول...

انتا رحت فين حرام عيك
عايزه اتطمن عليك بس
وبدعيلك على الريدر ومش هقولك بدعى بقول ايه
ربنا عالم..

غير معرف يقول...
أزال أحد مشرفي المدونة هذا التعليق.
engy يقول...

بجد بوست رائع
وفيديو فعلا تحفه وربنا يرجعك ان شاء الله بالسلامه
ربنا معاك

Hossam يقول...

واو
اول مرة اسمع الاغنية دى واول مرة احترم محمود العسيلى
اكيد الوطن ملوش زى حتى لو احنا شايفيين الويل فى مصر
تصدق اما شفت البوست بتاعك بقيت شايل هم هعمل ايه اما اسافر ربنا يستر المانيا وامريكا يعنى اكتر دولتين بعاد عن مصر
تقبل مرورى
سلام

ألـــــــوان الحيــــــــاة يقول...

اسكندريه

هو فيه زى اسكندريه ؟؟

على الرغم الى شايفينه وحاسينه فى البلد دى

بس برضه بحبها

وعمرى ما اقدر اعيش فى مكان تانى غيرها

ربنا يرجعلك ليها بالسلامه

مصري بالغربة يقول...

محاسن

هو انا بردوا اقدر اغلط في نتات البلد

خاصة النت اللي عندك

طبعا لا

مصري بالغربة يقول...

اخيرا يا فري كيلر

اخيرا اقتنعتي

امممممممممممممممممممم

ولا وجهة نظر وخلاص

مصري بالغربة يقول...

ماشي يا عم بيرم المصري

جاي تعمل دعاية واعلان عندي

وببلاش كده

ولا حتى تعليق او شكر على الماشي كده

!!!!!!!!!!!!!!

ماشي يا عم مقبولة منك المرة ديه

بس المرة الجاية هتدفع فلوس حق الدعاية ديه

هههههههههههههههههههههه

مصري بالغربة يقول...

الله يجزاكي خير يا ام عبد الرحمن

واذا كان ع الريدر

فاحنا اتفقنا على حسابه خلاص ولا ايه؟

مصري بالغربة يقول...

شكرا ليكي يا انجي على مرورك

مصري بالغربة يقول...

شكرا لمرورك ومبسوط ان المدونة عجبتك يا حسام

واديك هتجرب الغربة في الغرب

وهتشوفها كويس زي بردوا

ربنا معاك

مصري بالغربة يقول...

رودي هانم

انت اسكندرانية زي ولا ايه؟؟؟؟؟؟