الخميس، 9 أكتوبر 2008

ليـــالي الغربــــة


انا اليوم في الغربه وحيدا المم احزاني

و بات وطني بعيد عني ولوعه الغربه تمزق اشجاني

اشرب القهو و الدمع يسقط في فنجاني

لا انيس و لا جليس الا كتاب الله ودعوه الوالدين تلقاني

امي ابي اخوتي وطني اشتقت اليكم و كم من الزمن تركتكم
و كم من الليلي انا وحداني

ادور في شوارع الغربه حائرا
بين الحزن و الفرح الفاني

اشعر بالخوف لاني وحيد لا اري الا المباني

عندما تري الناس تفرح و عند العوده الي الغرف احس بقبضه جدراني
فيا احبائي ما اصعب غربتا و انا في الهم اشكو نفسي لنفسي
و اترك اللهو لعل الهم ينساني

هناك 61 تعليقًا:

ألـــــــوان الحيــــــــاة يقول...

ترجع بالسلامه ان شاء الله


اسلوبك رائع ومتميز

دمت بالخير

mahasen saber يقول...

محمود الا دى ليالى الغربه فى فينا
لا انتا اكيد مش فيينا لو كنت فى فيننا مكنتش افتكرت حد ولاا كنت عملت البوست ده اصلا
لاالبلوج على بعضه عارفه ولا كنت ساعدتنى فى الريدر قصدى عملتلى الريدر...
عارف البوست ده بيسجل احساسك من خمسة ايام صح لما كنت نكدى وكشرى وحزين
الله لا يعوده يااخويا احساس...

mahasen saber يقول...

بس انتا راجع قريب بالسلامه اهه شد حيلك واربك الشنط واتفق على جمل ويله الصحراء فى انتظارك وروق كده وحياتك حبايبك وبعدين انا شايلالك هديه عشان اديهالى فى اول لقاء مدونيين اشوفك فيه..
هقولك هقولك مصاصايه كانت واقعه من ابنى ومعاها هديه برضه لبانه من جوه...

فاروق عادل يقول...

ترجع بالسلامةيامحمود

FreeKiller يقول...

شوف حد تصاحبه

مصري بالغربة يقول...

شكرا ليكي يا رودي هانم طبعا

وشدي حيلك بصيدلة

ودمتي بخير

مصري بالغربة يقول...

لا يا محاسن ديه مش ليالي الغربة في فيينا ( ديه ف السعودية )

ولو كنت في فيينا حتى كنت هافتكركم طبعا الغربة في كل حتة مش في فيينا حاجة وهنا حاجة

كفاية انها بعيد عن الاهل والاصحاب

مصري بالغربة يقول...

فعلا البوست ده وانا فعلا كنت مضايق وحزين بجد لاني زهقت خلاص

مصري بالغربة يقول...

باتفق على جمل اهو يا محاسن بس مش لاقي حجز

مفيش غير واتينج

اصل الخطوط الجملية دلوقت زحمة جدا

وهديتك وصلت يا محاسن
بث انا مبحبش المصاصة
ههههههههههههههههههههههههه

وسلامي ل بيرو

مصري بالغربة يقول...

شكرا ليك يا فاروق يا طالي ثانوي

وانت مش هتبطل نوم على الديسك

عارف بتنام ع الديسك ليه

عشان بتسهر ع النت طول الليل

وذاكر بقه شوية
وسيب التدوين دلوقت لغاية لما تاخد الثانوية بسلام

مصري بالغربة يقول...

فري كيلر

ازيك عاملة ايه ( واخدة بالك من التاء المربوطة تاء النسوة ههههههه) شكرا ليكي لردك

بس اني اصاحب حد هنا صعب شوية ان اي حد يكون صداقة

اذا كان على الصحوبية فكتيرة جدا

بس صديق اقدر اتكلم معاه وتفضفضله صعب
كل واحد في شغله ومسئولياته وكل يوم زي التاني

FreeKiller يقول...

اه بالحق.. محدش يجيب سيرة فيينا
بتفكرني بالذي مضى

ثانيا .. طالب ثانوي
الثانوية العامة ملهاش لازمة
ما توجعش دماغك
ده أغلب خلق الله الناس اللي جابت أعلى مجموع
عيش حياتك و متكررش أخطاء الآخرين

ثالثا .. كلامك مش صحيح يا مصري يا مغترب إنت
انت بس عشان حاطط افتراض و مقتنع بيه
و الله احسن ناس هيا اللي بتلاقيهم متغربين
بيحسوا انك انت اهلم
انا احسن صحابي بجد هما اللي عرفتهم برا مصر
هنا الغالبيه العظمى بتاع مصالح و ابجني تجدني
و خلوا بالكم انا قلت غالبيه مش الكل
محدش يفسر كلامي غلط
عموما
مفيش حاجه تستاهل
اهو كده كده الواحد عايش
و على راي رضا ابو شامة
كله بيعدي
و محدش مرتاح
و ربنا يتولانا

Beram ElMasry يقول...

لا انيس و لا جليس الا كتاب الله ودعوه الوالدين تلقاني
وهو فيه اجمل من كده
الاخوة الاعزاء
السلام عليكم ورحمة الله
بناء على رغبة الكثير من الاصدقاء المدونين ، وفى مقدمتهم الاخ الدكتور توكل مسعود ، فى تغير اصم مدونتى من ( المدهول ) الى اسم اخر يليق بمحتوى المدونة ، وانطلاقا من طبيعتة الغيورة على اصدقائه ، ومن الاسماء المعروضة ( كرباج سودانى ) وقد وقع عليه اختياؤى ، وصار هذا اسم المدونة الجديد
لااختلاف فىالمحتوى ولا تغير فى موعد كل جديد وهو يوم الثلاثاء
لكم كل الحب والاحترام

mahasen saber يقول...

انتا لسه محجزتش الجمل بعدين هو فيه ازمة جمال ولاا ايه
ربنا يرزقك بحماره طيبه اهه اى حاجه تجيبك ارض الوطن بسلام....

أبو عمر - الصارم الحاسم يقول...

سجني خلوة وقتلي شهادة ونفيي سياحة - ابن حنبل

لكن موضوعك اسهل من التلاتة اللي فوق كتير

وهناك اشياء كثيرة تستطيع عملها بالغربة

اهمها ان تعود لكمصر باذن الله اقوة مما خرجت منها بكثير...علميا ودينيا (قيام الليل) ومعنويا وعقليا وعمليا وماديا

وقتها هيتستفيد وطنك بك كثيرا

لا تظن بنفسك الفراغ في الغربة..امامك كثير كي تفعله وفرصة هذه الخلوة والتفرغ للعمل واكتساب الخبرات في مجالات غير العمل

ربنا يوفقك

غير معرف يقول...

لم اجرب الغربة حتي اعيش مرارتها..ولكن نحن جميعا كمصريون نعيش غربة من نوع اخر غربة داخل الوطن ووسط الاهل والسكن...ازعم انها اصعب مما تعيش من غربةفأنت في وطنك مطارد اذا قلت كلمة حق... مظلوم اذا لم يكن لك ظهر... محبوس اذا كان لك راي جائع اذا كانت عنك عفة...خائن اذا رفضت بيع متر من ارض الوطن.
مع خالص تمنياتي بالعودة الي ارض الوطن(اصل القط بيحب خناقه)

غير معرف يقول...

لم اجرب الغربة حتي اعيش مرارتها..ولكن نحن جميعا كمصريون نعيش غربة من نوع اخر غربة داخل الوطن ووسط الاهل والسكن...ازعم انها اصعب مما تعيش من غربة فأنت في وطنك مطارد اذا قلت كلمة حق... مظلوم اذا لم يكن لك ظهر... محبوس اذا كان لك راي جائع اذا كانت عنك عفة...خائن اذا رفضت بيع متر من ارض الوطن.
مع خالص تمنياتي بالعودة الي ارض الوطن(اصل القط بيحب خناقه)

مصري بالغربة يقول...

فري كيلر

ليه منجبش سيرة فيينا , طيب لو ليكي ذكريات جميلة هناك

يبقى تشكرينا اننا بنفكرك بذكريات كويسة ولا ايه؟

مصري بالغربة يقول...

يا فري كيلر انتي لسه بتعيشي في مرحلة الدراسة ولما كنتي هنا بالسعودثة كنتي بردوا في الدراسة

وصحبية الدراسة حاجة

وصحبية الشغل والحياة والطحن حاجة تانية خالص

انتي لسه مشوفتيش حاجة , لما تكبري شوية بس كده وعضمك ينشف هتبقي تعرفي انا باقول ايه؟

مصري بالغربة يقول...

وربنا يتولى الجميع ان شاء الله

مصري بالغربة يقول...

بيرم التونسي

شكرا لزيارتك مدونتي وبالتوفيق

ان شاء الله في تغير اسم مدونتك

مصري بالغربة يقول...

شوفي يا محاسن ( حمارة , بغله ) اي حاجة بس المهم

اجي الوطن

والاقي حد يقولي

هي ديه مصر يا ............ هي كان اسمها ايه ؟؟؟!!!!!!! مش فاكر مش مهم

FreeKiller يقول...

مهو الواحد بيفتكر من هنا
و يتحسر من هنا

barbie girl يقول...

ربنا يرجعك لاهلك بالسلامة

Unknown يقول...

السلام عليكم ورحمة الله وبركاته
ايام وتمضى سريعآ إن شاء الله مادمت انك واضع هدفآ لغربتك (هل وضعت الهدف
قبل السفر؟؟)لان نصيحة فى الله من اخت سبق لها السفر للعمل خارج مصر لابد من تحديد الهدف والعمل على انجازه والا تحولت الغربة الى (((هجرة)))
سلامى وتحياتى ودعواتى لك
بالثبات على الحق والدين.

مصري بالغربة يقول...

يا فري كيلر فيه بردوا في مصر نماذج كتير من الصداقة كويسة بردوا صدقيني

والمدونين خير دليل على كلامي

مصري بالغربة يقول...

شاكر ليكي يا بربي زيارتك للمدونة وان شاء الله متكونش الزيارة الاخيرة

مصري بالغربة يقول...

شاكر ليكي جدا يا يا نورا

وفعلا انا كنت ف الاول حاطت هدف من الغربة ديه

لكن سراعن ما اتغير بسبب ظروف كتيرة جدا جدا

ومش عارف ليه فعلا زي ما بتقولي ان الامور ماشية في طريق الهجرة فعلا

وناس كتيرة جدا هنا حصل معاهم الموضوع ده , ومش عارف ليه

حاسوباتيه يقول...

هي الغربه كده صعبه يارب ترجع بالسلامه

د/ رامي شهاب الدين يقول...

ربنا يقرب كل بعيد


وإن شاء الله ترجع مظفر غانم سالم


دمت بكل الود .. تحياتى

الجواز و سنينه يقول...

اكيد احساس الغربه صعب
بس عايزه اقولك مش كل اللى متغرب بس هو اللى حاسس بلغربه
فيه ناس جوه بيتها و برضوا عندها نفس الاحساس

سمكه واحده يقول...

اولا
السلام عليكم
ثانيا والله انا سمعت كتير عن الغربه والحزن وكده بس فعلا ميحسش بيها اللي اللي فيها الله مقطع اغنيه جنان ميحسش بيها الا اللي فيها امممممممم

المهم رغم كل ده فلك انت تتخيل يا اخي العزيز اني انا نفسي وحلم حياتي السفر والترحال رغم ما اسمعه بس انا بحب السفر يمكن عشان مجربتش بس بردوا الواحد مش عايز يعيش في ام الدنيا مع احترامي لام الدنيا اللي مطلعه عين..... وشكرا
تقبل مروري ومتضيقش من كلامي وتتنرفز
سمكه عايزه تسافر بعيييييييد

سمكه واحده يقول...

اه نسيت اقلك حاجه لان ممكن الواحد يكون متغرب وهو في وسط اهله وناسه بردو ولما ميحسش بالادميه والمعامله الانسانيه طبعا مش انا دي مصر كلها مش انا بس هههههههه
الحمد الله علي كل حال وربنا يرفع من قدر مصر تاني والناس تفوق والدين يعم من جديد
الي الجهاد سلااااااااامه انتي فين يا جهاااااااااااااد

بس خلاص
سلام

مخنوق كيك يقول...

من الواضح انك بتعاني من غربة داخليه اكتر منها غربة خارجية

اسلوبك متميز واحساسك وااااصل

وترجع بالسلامة يا مان وكلنا هنستناك في المطار ..

الا صحيح ؟؟ هو المطار ده اللي في شارع الهرم ؟

تقبل تحياتي وهزاراتي

ابو اعصار يقول...

الله يعينك على الغربة ياعم ونشوفك
وقلتلك ياعم لازم تتطلع بره حديقة مزرعه لو عندك بحر يبقى رضا ههههههههه بالسعودي تغير جو
وان شاء الله نشوفك قريب بمصر

على عبدالله يقول...

شوف يا سيدى
انا زى حالاتك كده متغرب
وكمان وحيد فى الشغل وفى السكن
بس يا سيدى ممكن تكون صداقات كتير من اماكن كتير ، علاقاتك فى الشغل مثلا او اخوانك فى المساجد ،واكيد اكيد هاتلاقى من يؤنس وحدتك
لان ببساطة ما تحس به ليس غربة ولكنها الوحدة يا سيدى
فانا كنت احس بالغربة فى بلدى وسط اهلى وناسى وذلك كان سبب رايسى فى سفرى
فالغربة ليست غربة المكان

طاب ايه رايك نتعرف على بعض ونزور بعض هو انت مش فى السعودية برضو ؟؟
ههههههههههههه
وبعدين يا اخى اجمل لحظات لما بتكون فى معية الله وانت تقرا وتتدبر فى كتاب الله
ومش بعيد ان شاء الله تصبح عالم او ولى من اولياء الله الصالحين

باختصار ،، انا مسلم وطنى الاسلام رفيقى كتاب الله عز وجل وعباده الصالحين سواء كانوا مصريين او سعوديين فى النهاية كلنا مسلمين

تحياتى

غير معرف يقول...

دعوه لك لزيارة مدونة اول برنامج أذاعى عن النت والمدونات من الأذاعه الرئيسيه لمصر
http://netonradio.blogspot.com
ويمكن الستماع الينا تسعه وعشره صباحا بتوقيت القاهره يوميا عدا الجمعه من رابط بالمدونه بالضغط عليه والنتظار او من القمر الصناعى نايلسات قسم الراديو الرنامج رقم 1
وسوف نشير لمدونتك فى برنامجنا قريبا ان شاء الله

شوية قهوة يقول...

توصل بالسلامة الغربة فعلا وحشة جدا انا مجرباها لان انا عيشة برة بلدي
وشكرا على زيارتك واتمنى المتابعة

قناة الرحمة يقول...

مررت فأعجبتنى المدونة فتركت لكم بصمتى وأيضا
دعوة من الأنسة منى مشرفة مركز خدمة

المدونين العرب لخدمة نشر المقالات على العالم ودعوة للعضوية فى مراسلتنا ونشر مقالاتكم أمام أشهر مدونة عربيةوتسجيلكم لدينا وتبادل البنر ولا تبخلو بالرد

mahasen saber يقول...

..هفكرك باسمها بس اكتب بوست جديد
.........
يا عبله عنتر كان بينادى عبله ويقولها يا عبله حاف كده من غير حضرتك
.......
محمود اكتب بوست جديد ده خلاص خلل يا هندسه
...وبالنسبه للسفر سيبك من الجمل والحمار والحماره انا هبعتلك عجله..اياكش يتمر..

Unknown يقول...

السلام عليكم
ازيك يا بشمهندس
انا لاقيتك اختفيت حبيت اجي اطمن على حضرتك
ايه الغيبه الطويله دي
لعل المانع خير !!

FreeKiller يقول...

انا قلت آجي أسلم
و نشوف إيه سبب الغيبة
يا رب ميكونش اكتر من غن النت مثلا فاصل و بيهرج و للا حاجة

عود أحمد قريب إن شاء الله

mahasen saber يقول...

غربتك طولت قوى وبقا شكلها بايخ
وبعدين الاقيك يوم ومش الاقيك عشره انتا فين طمنى عليك

Unknown يقول...

ربنا يرجعك بالسلامة ان شاء الله

mahasen saber يقول...

محمود الغيبه طولت
وانا كده بئه بقول هتقلب باستهبال
طب ادخل طمنا وطمن البشر دى عليك

ارجع لبلوجك بالذوق بدل ما نرجعك بالعافيه

د. إيمان مكاوي يقول...

كلنا في الهم سوا
تحياتي

mahasen saber يقول...

طالت غيبتك يا محمود

كل عيد وانتا بالف خير وسلام
واسرتك واهلك وكل من تحب
بكل صحه وستر
ويا رب دايما بافضل حال

وطمنا عليك

م/ الحسيني لزومي يقول...

تقبل الله منا ومنكم
وكل عام وانتم بخير

FreeKiller يقول...

امممممممممممممم
فينك يا مصري بالغربة
طيب ادخل طيب يومين العيد خلي الناس تعرف تعيد عليك
كل سنة و انت طيب
يا رب تكون الغيبة دي بس عشان انت ف الحج

تقبل تحياتي

Abeer Soliman يقول...

أوقات الغربة جوا بلدك تكون أشد قسوة من الأغتراب الفعلى عنها

أرجو زيارتى فى مدونة يوميات عانس

yawmiyat3aness.blogspot.com

zainab يقول...

ربنا معاك يا باش مهندس

ان شاء الله تيجى بالسلامه

وتنور بلدك

على فكرة ممكن تكون فى بلدك وتحس بغربه برده


تحياتى

mahasen saber يقول...

انا كده هزعل
طب رقم تليفونك طيب

هيا الغربه بتعمل كده فى البشر
يا ساتر ههههههههههههه

طمنا عليك بئه
بلاش دلع

همس يقول...

ترجع بالسلامة ان شاء الله

mahasen saber يقول...

محمود انتا فين
واخبارك ايه

ورقم التليفون ايها البكاش

وبس
كفايه كده

ميرام يقول...

مشكلة السعودية بالذات
ان مش أي حد يروحها
يقدر يتأقلم فيها


ربنا يهون غربتك
(:
تقبل مروري

غير معرف يقول...

يااااااه حضرتك بقالك كتير اوي مدخلتش و لا كتبت حاجه ياريت تبقي تدخل بقي تقولنا اخبارك رودي هانم

بـِصَمتـِـ أميرة ــــى يقول...

يااااه
يا أخر حسستنى انى عندك
وعايزة ارجع اسكندرية اللى وحشتنى اوى
واشم ريحة مصر والم الشنط بسرعه
رغم انى عايشة فى حضنها

اسلوبك خدنى لحد عندك
بس رجعت تانى بسرعه
عشان نستنوك
عالقمة بنستنوك


تقبل مرورى
ياباشمهندش

:)
ملكة بحجابى

منــار فايد يقول...

يارب يهون عليك
وترجع بالسلامه ان شاء الله
الغربه غربه
ومش اي غربه
دي غربه وطن
غربه اسرتك
غربه ذاتك

يارب هون عليك


منار

منــار فايد يقول...

والله العظيم فعلا حسيت انك في السعوديه
انا كنت هناك
بس كنا كلنا
يعني اكيد مش حسينا بالغربه زيك
بس برضو لا اقارب لا معارف
اصحابك واصدقائك انت مش مختارهم
داهما اللي موجودين هناك
والسعوديه غير اي بلد


تحياتي

Heba Al_Menshawy يقول...

بجد احساس الغربة دا في منتهى الصعوبة
خصوصا لما تحس ان حياتك الاجتماعية مفيش فاضية مفيش ناس ولا اصحاب ولا حتى عارف تعمل ناس بالأخص في دول الخليج
اعتقد وانا صغيرة كنت حبا جدا الغربة او الكويت بصورة اخص..كنت بحسها بلدي عشان مجربتش اعيش في مصر لكن لما نزلت مصر سنين الجامعة حسيت فعلا بعد ما رجعت هنا تاني بالفرق الواضح اوي اووووي بين 5 سنين في مصر وعشرين هنا
للأسف الحياة كلها شغغغغغغغغغغل وبس.. بجد ملل ملل ملل ملل غير احساس الحنين اللي الواحد مفتقده" الاصحاب اللي اتعملوا في الخمس سنين وعمرهم ما هيتعوضوا ولا هيشبهم اصحاب 100 سنة، الحياة كلها... احساسك ان بلدك بكل مساوءها ارضك ومكانك وحاجة ملكك مش مرتزقة في بلاد الغربة
بجد بتمنى ارجع النهاردة قبل بكرة

nor يقول...

جميل اوي كلمات و تمس القلب
و فعلا احساس الغربه وحش اويربنا يعينك
تحياتي